Prej javësh jashtë garës për titull, Bajerni i Mynihut bëri shumë pak dje përballë Borusias së Dortmundit, e cila ishte e motivuar më shumë se kurrë pasi kishte një shans të artë për të zënë një pozicion të favorshëm në garën për një vend në Ligën e Kampioneve pas hapit fals të Lajpcig.
Përveç formës së dobët të treguar nga lojtarët vendas takimi i djeshëm “u vendos” edhe prej dy gabimeve në vendimarrje të kryesorit Harm Osmers.
Në përfundim të duelit arbitri i ndeshjes u ndal për mikrofonin e “Kicker” dhe i kërkoi falje Musialës për atë faull të rëndë që pësoi nga Ryerson, i cili ishte autor edhe i golit të dytë të ndeshjes.
“Gjatë ndeshjes isha duke parë Emra Xhan. Ndërhyrja e rëndë e Ryerson më shpëtoi, nuk isha i fokusuar. Kur shikoj pamjet më duhet ta pranoj se kemi të bëjmë me një faull të rëndë, është një karton i verdhë ‘i errët’. Për fatin tonë të keq lojtari doli pa u ndëshkuar. Gjithashtu më duhet t’i kërkoj falje Musialës për këtë që ndodhi”, tha Osmers.
Discussion about this post