Vehbi Bushati, për të cilin u tha se u shkarkua si Drejtor i Policisë së Lezhës, pritet të marrë një tjetër funksion. E ndërsa Ardi Veliu, si drejtues i AMP vendosi shkarkimin, Muhamet Rrumbullaku si Drejtor i Përgjithshëm i Policisë së Shtetit, ka menduar ta pozicionojë në një tjetër detyrë.
Sipas një shkrese të firmosur nga kryepolici Muhamet Rrumbullaku, pritet që nga data 1 qershor 2023, Bushati të luajë rolin e këshilltarit në kabinetin e Drejtorit të Përgjithshëm të Policisë.
Vehbi Bushati u emërua si drejtor i Policisë së Lezhës nga Gledis Nano, gjatë kohës që ky i fundit mbante funksionin e Drejtorit të Përgjithshëm. Me gradën policore Drejtues i Parë, Bushati la detyrën e Drejtorit të Drejtorisë së Standardeve Profesionale në Policinë e Shetit, për të marrë atë të Drejtorit të ri të Drejtorisë Vendore të Policisë Lezhë.
Bushati u largua si Drejtor i Policisë së Lezhës për shkak se nuk ka plotësuar dhe dorëzuar formularët e deklarimit të Pasurisë, deklaratën e Kontrollit të Figurës dhe formularin e Vlerësimit të Aftësive, detyrim ky ligjor për procesin e vettingut në polici.
Për këtë arsye Trupa e Vlerësimit e Agjencisë Mbikëqyrjes Policore vendosi largimin nga pozicionet drejtuese të Vehbi Bushatit.
Vendimi i AMP për Vehbi Bushatin:
- Largimin nga pozicionet e përcaktuara në nenin 6 të ligjit 12/2018, i ndryshuar, të subjektit të vlerësimit, z.Vehbi Bushati me detyrë Drejtor i Drejtorisë Vendore të Policisë Lezhë, në Drejtorinë e Përgjithshme të Policisë së Shtetit.
- Vendimi i arsyetuar me shkrim i njoftohet Subjektit të Vlerësimit dhe Drejtorisë së Përgjithshme të Policisë së Shtetit brenda 15 ditëve nga dita e nesërme e shpalljes së vendimit.
- Ky vendim publikohet në faqen zyrtare të Agjencisë Mbikëqyrjes Policore, në përputhje me pikën 8, të nenit 56, të Ligjit 12/2018, i ndryshuar.
- Kundër këtij vendimi lejohet ankim brenda 45 ditëve nga data e njoftimit, në Gjykatën Administrative të Shkallës së Parë Tiranë.
ARSYET e shkarkimit:
Trupa e Vlerësimit e Agjencisë Mbikëqyrjes Policore, bazuar në nenin 32, pika 3, nenin 36 pika 1.1, nenin 44 pika 1.1, të ligjit nr.12/2018 “Për Vlerësimin Kalimtar dhe Periodik të Punonjësve të Policisë së Shtetit, Gardës së Republikës, Shërbimit për Çështjet e Brendshme dhe Ankesat në Ministrinë e Brendshme”, i ndryshuar
Discussion about this post