Ish-banori i “Big Brother VIP”, Ardit Çuni, gjatë një interviste për “Shqipëria Live”, ka folur për eksperiencën e tij brenda shtëpisë më të famshme në Shqipëri dhe për pakënaqësitë që ka pasur përkundrejt Fifit.
Ai shprehet për këngëtaren se e ka konsideruar si mikeshë, por veprimi i fundit që ka bërë Fifi, e cila sipas tij ishte arsyeja e largimit nga emisioni, e ka quajtur si pafytyrësi.
“Kjo është pafytyrësi. Nuk është lojë. Një njeri nuk e shet veten për çmim. E prisja që të zëvendësonte Granitin, por jo me Donaldin. Një njeri që ka dashurinë më të vogël për ty, nuk e bën një gjë të tillë. Nuk mund ta bënte në fillim.” – u shpreh ai për Fifin.
Përsa i përket Beniadës, Arditit i mungon shumë dhe nuk e priste reagimin e saj pas daljes së tij.
“Do doja që ti thoja që më ka marrë shumë malli. Nuk e prisja që do të mërzitej aq shumë. Madje u shqetësova dhe kur dola i thashë Arbanës se çfarë ndodhi me Beniadën. E kemi lënë që do njihemi jashtë. Këto ditë po shmang video të postuara mes meje dhe Beniadës që kanë një muzikë trishtuese dhe po mundohem t’i shmang.”- thotë Arditi.
Arditi, gjithashtu tregon edhe personat që mund të shkojnë në finale, ku midis tyre janë: Arjola, Iliri, Donaldi dhe Fifi. Në fund fitoren sipas tij ka për ta marrë Iliri.
Discussion about this post