Argjendi habit të gjithë, vendos të largohet nga “Për’puthen”

Konkurrenti i “Për’puthen 3”, Argjendi, i cili njihet më tepër për afrimitetin që pati me Ritvanën, vendosi të largohet nga emisioni.

Argjendi u bë shpejt protagonist në emision duke realizuar takime me shumë prej vajzave, ama historia më e madhe e dashurisë dukej se po krijohej me Ritvanën, por edhe kjo mesa duket nuk shkoi gjëkundi.

Ai sot në emision tha se do të largohet pasi ka nisur një njohje jashtë dhe ja ka komunikuar këtë produksionit që prej dy javësh.

“Dua të them se kam shijuar çdo moment edhe të mira edhe të këqija, momente të bukura e ndoshta më pak të bukura. Shumë faleminderit të gjithëve, nuk kam dashur kurrë të shpik ndonjë gjë vërtetë. Thjesht dua t’ju falënderoj juve, Olsën, produksionin, për respektin që më keni dhënë dhe ju uroj çdo të mbarë”- tha ai në ikje.

Gjatë puntatës ai tha se Ritvana ka qenë te shtëpia e tij, gjë të cilën kjo e fundit e mohoi disa herë e irrituar. Ajo gjithashtu tregoi biseda me të në “WhatsApp”, po sipas Argjendit ata kanë komunikuar më shumë në “Snapchat” ku fshihen bisedat, pasi Ritvana ruhet shumë.

Rikujtojmë se në puntatën e djeshme Argjendi vendosi të flasë për të pathënat e lidhjes së tij me Ritvanën, ku u shpreh se ka pasur njohje paralele dhe sipas tij, ajo ka dashur që të bëhej protagoniste duke krijuar skena të rreme me të. Ai gjithashtu tha se ajo u largua prej tij në momentin që Argjendi vendosi të mos vazhdojë lojën e saj.