Argjentina fitoi minimalisht 1-0 ndaj Uruguait në sfidën e vlefshme për kualifikueset e kampionatit Botëror. Angel Di Maria ishte heroi i amerikano jugorëve në përballjen me Uruguain. Skuadra e teknikut Skaloni është një hap larg kualifikimit në kampionatin Botëror me suksesin e mbrëmjes së kaluar. Dibala asistoi për yllin e PSG i cili realizoi golin e vetëm të takimit duke marrë tre pikë shumë të rëndësishme.
Për uruguaianët mungoi sulmuesi Kavani teksa e nisi nga minuta e parë Luis Suarez i cili nuk ka aspak gjurmë në këtë ndeshje. Lionel Messi luajti disa minuta në fundin e takimit çka solli edhe irritimin tek skuadra e PSG ku ai ka qëndruar jashtë në disa ndeshje për shkak dëmtimi. Pak ditë më parë drejtori sportiv Leonardo theksoi se Messi nuk po sillet korrekt për shkak se ka luajtur më shumë me kombëtaren se me klubin e tij por kjo nuk e ka penguar argjentinasin për të dhënë kontributin e tij ndaj Uruguait.
Discussion about this post