Detaje të reja zbardhen nga arrestimet në Elbasan, ku u vunë në pranga Arben Spahiu, kunati i Erjon Alibejt dhe miku i tij Arsen Preçi. Ata dyshohet se do ekezekutonin Elton Kilan, i njohur si Oti i Elbasanit.
Burime nga prokuroria bëjnë me dije se një nga punonjësit e pastrimit në Elbasan, në mbrëmjen e të Premtes, ka zbuluar rastësisht një armë zjarri të hedhur brenda një koshi plehrash.
Fillimisht punonjësi, ka njoftuar kolegët e tij dhe pastaj i është telefonuar dhe policia e Elbasanit, e cila ka shkuar me shumë urgjencë në lagjen “Emin Matraxhiu”.
Policia ka kryer veprime duke sekuestruar armën, ndërsa ka filluar të krehë zonës dhe marë në pyetje rojën e një magazine aty afër. Rroja, i ka treguar policisë se në magazinën e ish-konservimit prej disa ditësh ishte vendosur një automjet pa targa dhe nuk dinte se kush person e kishte lënë.
Përmes verifikimeve, policia zbuloi se mjeti pa targa, ishte vjedhur dy javë më parë në Shkodër, dhe i përket një personi pa precedentë penalë. Burime konfirmojnë se në çantën që u gjet në koshin e mbetjeve është gjetur edhe një çelës( kopje) që hapte makinën.
Ndërsa si posedues të makinës dhe armëve, policia ka zbuluar dy personat Arben Spahiu, i cili rezulton të jetë kunati i Erjon Alibej dhe njëherësh vëllai i Arjan Spahiut të vrarë në Belgjikë.
Si dhe personi i dytë është Arsen Preçi, i cili rezulton të jetë kushëri i Erjon Alibej, dhe banues rreth 30 metra larg vendit ku u gjend makina.
Policia i është afruar këtij mjeti, ku pas hapjes së tij, janë konstatuar 3 automatikë kallashnikovë, dhe dy shishe me benzinë.
Discussion about this post