Gardisti i cili shkoi i plagosur në spitalin e Durrësit ka bërë me dije se është vetëplagosur me armën e shërbimit.
29-vjeçari ka bërë me dije se është plagosur aksidentalisht me armën e tij. Në deklaratën e dhënë për uniformat blu, ka pohuar se është plagosur në këmbë. Ai ka treguar se kanë qenë familjarët ata të cilët e kanë transportuar drejt spitalit.
“Nuk ka asnjë ngjarje apo përplasje me persona të tjerë. U vetëplagosa me armën e shërbimit, e cila në një moment u shkreh pa dashje dhe plumbi më hapi në këmbë. Njerëzit e mi më sollën në spital, kjo është e gjitha”, ka deklaruar gardisti.
I riu është duke marrë trajtim mjekësor në spital, jashtë rrezikut për jetën.
