Rusia ka publikuar pamje të reja të raketës së saj bërthamore hipersonike Zircon me shpejtësi 7000 mph që mund të godasë Londrën në pesë minuta.
Pamjet tregojnë një raketë 9 Mach Zircon ose Tsirkon duke u gjuajtur, tregues ky se si Presidenti rus mund të niste një sulm bërthamor hipersonik në Perëndim.
Në orët e para të 24 shkurtit Putin paralajmëroi për “pasojat që nuk i keni hasur kurrë në historinë tuaj”, duke aluduar dukshëm për gatishmërinë e tij për të përdorur një sulm bërthamor.
Ekspertët rusë thonë se raketa “nuk ka analoge” në Perëndim.
TV Zvezda, një kanal në pronësi të ministrisë ruse të mbrojtjes, tha për pamjet: “Karakteristikat e fshehta të raketës hipersonike ruse Zircon janë zbuluar.
“Shpejtësia e raketës hipersonike Zircon është aq e lartë sa që pengon sistemin e mbrojtjes ajrore të kundërshtarit të zbulojë ndikimin e saj në kohë. Në fakt, nisja e tij do të dihet vetëm pasi objektivi të jetë goditur. Raketa gjithashtu ka “trajektore të ndryshueshme” për të shmangur zbulimin”, raportoi televizioni.
“Askush nuk do ta shohë lëshimin e raketës apo fluturimin e saj. Ata do të shohin vetëm kur raketa të godasë objektivin”, tha komandanti i fregatës, kapiteni i rangut të parë Igor Krokhmal.
Ndërsa pamjet janë publikuar vetëm tani, besohet se datojnë nga dhjetori, dhe ndoshta janë mbajtur qëllimisht për më vonë për të shkaktuar të dridhura nëpër Perëndim. Në atë kohë, Putini ishte mburrur me një lëshim të shpejtë, por asnjë pamje nuk u publikua.
Nisja e fundit përkoi me lëshimin e raketës Kalibr nga e njëjta luftanije. Zirkoni është përshëndetur nga televizioni shtetëror i Moskës si arma e zgjedhur e Putinit për të zhdukur qytetet amerikane në rast të një konflikti atomik.
Megjithatë, distanca e tij është vendosur rreth 650 milje, megjithëse Krohmal ka thënë se mund të godasë objektivat në një distancë prej 930 miljesh.
Discussion about this post