Armando Broja, sulmuesi i Kombëtares Shqiptare po kalon një sezon të shkëlqyer me skuadrën e Southampton në Premier Ligën angleze.
Çelsi gëzon kartonin e shqiptarit, dhe në pamundësi për ti dhënë minutat e nevojshme, e huazoi te skuadra e Southamton, ku Broja po shkëlqen këtë sezon duke arritur të gjejë pesë herë rrjetën me këtë ekip.
Prova duket e kaluar nga Armando Broja, dhe duhet se ‘oreksi’ i shqiptarit po shtohet për tu kthyer në skuadrën ‘mëmë’, ku në një intervistë të dhënë për The Daily Echo, ai tregon se po e mban kokën ulur, dhe po përmirësohet çdo ditë.
“Po e shijoj shumë eksperiencën e këtij sezoni dhe deri tani ka qenë një çmenduri. Unë jam një lojtar i ri dhe është e mrekullueshme të kesh një shans për të shkëlqyer në Premier League, të kesh mundësinë të stërvitesh me lojtarë me eksperiencë dhe të bëhesh një futbollist më i mirë. Është një ëndërr e bërë realitet, po mundohem të përmirësohem çdo ditë dhe të mësoj më shumë.
Në Premier League ka gjithnjë shumë konkurrencë, është liga më e vështirë në botë. Edhe në organikën e skuadrës do të ketë gjithnjë konkurrencë, por nuk e kam problem. Unë do ta mbaj gjithnjë kokën ulur dhe do të mundohem të ndihmoj sa më shumë ekipin. Jam i lumtur për golin ndaj Brighton, por më kryesorja është rezultati që merr ekipi. Ishte për të ardhur keq që nuk morëm tre pikët. Ishte zhgënjyese që pësuam atë gol në fundin e ndeshjes”, u shpreh Broja.
Discussion about this post