Kreu i Federatës Shqiptare të Futbollit, z.Armando Duka ishte i pranishëm në Hungari, ku Kombëtarja Shqiptare triumfoi ndaj vendasve me rezultatin minimal 1-0, për të arkivuar një fitore historike në memorien e të gjithëve ne.
Vëmendja pas këtij triumfi ishte tek përgatitjet për përballjen kundër Polonisë, që do të mbahet në Air Albania, ku presidenti u shpreh:
“Për stadiumin na është dhënë leja për ta mbushur plot dhe biletat janë shitur 100%.
“ Në raste të tilla, janë shumë pak 220 mijë vende, por këto janë mundësitë e Shqipërisë. Padyshim që do të detyrohemi të bëjmë stadiume më të mëdha me këtë brez lojtarësh që po vjen në Shqipëri.”
“Kam bindjen që kjo skuadër mund të luftojë kundër çdo kundërshtari në Europë, topi është i rrumbullakët nuk fitohen të gjitha, por mendoj se mund të përballojmë çdo kundërshtar,” mbylli komentin e tij presidenti Duka
