Blutë e Lezhës kanë arrestuar 3 persona në një aksion i cili lidhet drejtpërdrejt me aktivitetin e paligjshëm të lojërave të fatit. Në përfundim të kontrolleve janë arrestuar pronari i lokalit Gj.P., 29 vjeç, menaxheri A.K., 41 vjeç si dhe një klient me inicialet E.L., 29 vjeç, ku këtij të fundit iu gjet një pistoletë me tetë fishekë.
Kontrollet janë zhvilluar nga DVP Lezhë në bashkëpunim me komisariatin e Kurbinit dhe forcat Renea, në kuadër të aksionit kundër lojërave të fatit. Gjatë kontrolleve u sekuestruan një armë zjarri e llojit pistoletë, 32 makineta dhe 2.500.000 lekë të rinj.
Për dy shtetasit Gj.P., 29 vjeç dhe A.K., 41 vjeç, të cilët kishin rolet e pronarit dhe menaxherit të lokalit rëndojnë akuzat: “Organizim i lotarive të palejuara” , “Vënia në dispozicion e lokalit për lojëra të palejuara” , “Pastrimi i produkteve të veprës ose veprimtarisë kriminale”, “Fshehja e të ardhurave” dhe “Mospagimi i taksave dhe tatimeve”.
Në lidhjet me klientin e lokalit E.L., të cilit iu gjet pistoleta, rëndon akuza: “Mbajtja pa leje e armëve të zjarrit dhe municionit luftarak”.
