Katër persona janë vënë në pranga ditën e sotme në Tiranë për vepra të ndryshme penale. Sipas njoftimit të policisë, një 32-vjeçar me inicialet D.B është arrestuar pasi ka dhunuar bashkëshorten e tij.
Gjithashtu është arrestuar dhe një 31-vjeçar me iniciale R.M dhe kushëriri i tij 18-vjeçar me iniciale L.P pasi 31-vjeçari ka dhunuar familjarët e ish-bashkëshortes së tij, ndërsa 18-veçarit i është gjetur armë e ftohtë me vete. Në pranga ka rënë dhe një 61-vjeçar me iniciale A.D, pasi u kap duke drejtuar mjetin në gjendje të dehur.
Nga ana tjetër, janë proceduar penalisht dy persona me iniciale E. Xh., 50 vjeç dhe A. K., 43 vjeç pasi në një pallat i cili po ndërtohej nga këta të dy, janë dëmtuar aksidentalisht dy persona. Një 34-vjeçar me iniciale B. Sh është shpallur në kërkim pasi ka goditur me mjet prerëse një 37-vjeçar me iniciale A.S.
Materialet i kaluan Prokurorisë pranë Gjykatës së Shkallës së Parë Tiranë, për veprime të metejshme hetimore.
