Deputeti i opozitës, Asllan Dogjani, tha në studion e Syri Tv, se Arben Ahmetaj është njoftuar se do të arrestohej ndaj dhe është larguar nga Shqipëria, ose është fshehur.
“Rregullorja e ka të përcaktuar qartë kur kërkohet nga SPAK kontrolli i një deputeti ose arrestimi i një ministri.
Ajo që mua më bën përshtypje është që kjo kërkesë ka shkuar në kuvend me 7 korrik dhe është fshehur.
Ka gati 5 ditë që kërkesa ka shkuar pranë Kuvendit dhe rregullorja e përcakton qartë se Kryetarja e Kuvendit është e detyruar menjëherë për të njoftuar këshillin për imunitetin dhe rregulloren dhe fakti se kanë kaluar aq ditë është fshehur qëllimisht që ai të largohej.
Në seancën e kaluar Ahmetaj ishte në Parlament dhe është njoftuar të largohej, dhe nëse është njoftuar Parlamenti, Këshilli ka detyrë të njoftojë deputetin dhe ai të marrë masa për t’u mbrojtur kundër akuzave të paraqitura”, tha Dogjani.
Në vijim ai tha se bazuar në rregullore, votimi në Kuvend është i hapur, por shtoi se fshehja e kërkesës së SPAK është bërë me qëllim për të lejuar Ahmetajn të largohet i qetë.
“Rama nga praktika kujdeset deri në detaje dhe se nuk besohet se ai nuk ka informacion për vjedhjen me inceneratorët dhe janë kryer me procedura skandaloze që nuk është respektuar asnjë nen juridik. Unë shoh se qeveria është thellësisht e korruptuar dhe qëllimi i vetëm është përdorimi i grupeve kriminale dhe paratë e pista për të vjedhur zgjedhjet”, tha Dogjani.
Discussion about this post