Detaje të reja janë zbardhur nga ngjarja e ndodhur më herët në Shkodër, ku pasagjeri i një automjeti qëlloi me armë në ajër. Bëhet me dije se brenda automjeti qarkullonte i shumëkërkuari Barush Bregu, i cili u shpëtoi prangave të policisë.
Siç u raportua, uniformat blu të Shkodrës iu vunë në ndjekje automjetit ku Barush Bregu ishte pasagjer, por policia mundi të arrestojë vetëm shoferin e mjetit. Në njoftimin zyrtar, policia sqaroi, se patrulla i kërkoi automjetit të ndalojë, por makina nuk iu bind urdhrit duke shtuar shpejtësinë e duke qëlluar me armë zjarri në ajër.
Ndërkohë, Barush Bregu, i cili arrit të arratisej, është një emër i njohur për drejtësinë. Bregu rezulton i shpallur në kërkim nga policia si personi që ka ndihmuar Ragip Gilën në atentatin e 8 shtatorit të vitit të kaluar, në atë që njihet si masakra e Shkodrës ku dy persona u vranë dhe dy të tjerë u plagosën.
Sipas hetimeve të atëhershme, Barush Bregu dhe një 17-vjeçar u shpallën në kërkim pasi i siguruan autorit Rakip Gila kushtet dhe mjetet materiale për të kryer vrasje. Gjithashtu banesën e një gruaje që jetonte jashtë vendit, Bregu dhe i mituri e përdornin si bazë për të fshehur armatimet.
39-vjeçari i njohur si krahu i djathtë i Licëve në Shkodër, la lidhje edhe me disa ngjarje të tjera të rënda. Ai është arrestuar më parë në maj të 2019 pas një operacioni të organizuar nga RENEA, ndërsa në 2016 ai u dënua me akuzën e drogës dhe armëmbajtjes pa leje.
gijotina.com/
Discussion about this post