Këngëtari dhe ish-banori i “Big Brother VIP Albania”, Jozefin Marku, është arrestuar nga policia pas konfliktit fizik me ish-banorin e “Big Brother VIP Kosova”, Eduart Kuçi.
Raportohet se Marku është arrestuar sot në zonën e Kombinatit, në Tiranë.
Ngjarja vjen pasi në rrjetet sociale qarkulluan gjerësisht pamjet e përplasjes mes dy ish-banorëve të formateve “Big Brother VIP”.
Sipas raportimeve, konflikti dyshohet se e ka zanafillën te një video e publikuar më herët nga Eduart Kuçi, në të cilën ky i fundit kishte bërë deklarata fyese dhe kërcënuese ndaj Markut, duke përmendur edhe një hakmarrje për mikun e tij, Gjestin.
Kuçi kishte deklaruar se, nëse Marku do të shkonte në Kosovë, do të përballej me të.
Pak kohë pas deklaratave në rrjetet sociale, dy personazhet janë përballur në rrugë dhe situata ka degraduar në konflikt fizik.
Në pamjet që kanë qarkulluar në rrjet, Marku shihet duke goditur disa herë Kuçin, ndërsa i kërkon llogari për deklaratat dhe ofendimet e bëra më herët në adresë të tij.
Pas ngjarjes, Joz Marku ka përfunduar në pranga.
Discussion about this post