Deputeti i PD-së, Lefter Gështenja, është shprehur se mazhoranca po e zvarrit çështjen për Arben Ahmetajn.
Në një intervistë për Euronews Albania, ai theksoi se në aferën e inceneratorëve është i përfshirë i gjithë kabineti qeveritar duke theksuar se opozita është në mbështetje të SPAK në këtë çështje.
Sipas tij, Rama duhet që patjetër të vijë në Kuvend.
“Nuk e kuptoj se përse e zvarrit çështjen mazhoranca. Lidhur me reformën në drejtësi kanë votuar 140 deputetët që kjo reformë të funksionojnë. Jemi në mbështetje të SPAK.
Në aferën e inceneretarovëve është i përfshirë i gjithë zinxhiri qeveritar, përfshirë dhe drejtuesit e bashkive. Të gjithë këta që kanë dhënë OK në miratimin për këto koncensione janë bashkëfajtorë apo përgjegjës në këtë aferë.
Nuk e di se çfarë pune më të rëndësishme se sa çështja e Ahmetajt ka ky Parlament sot. Nuk ka ndodhur që të jetë në arrati numri 2 i qeverisë. Ka 1001 arsye se përse Rama duhet të ishte në Kuvend”, tha ai.
Discussion about this post