Kryeministri Edi Rama ka reaguar në lidhje me arrestimin e kandidatit të koalicionit “Bashkë Fitojmë” në Himarë, Fredi Beleri.
Në reagim, Rama shprehet se ndalimi i kandidatit të opozitës për Himarën përbën një sprovë të madhe për drejtësinë në prag të zgjedhjeve lokale, ndërsa shton se beteja e PS me kandidatin e arrestuar nuk ka lidhje me hetimet e prokurorisë.
Ndër të tjera, Rama kërkon mospolitizim të arrestimit të tij, deri sa drejtësia të flasë me prova.
Reagimi i Ramës në Twitter.
Ndalimi i kandidatit të opozitës për Himarën F.Beleri me urdhër të prokurorisë përbën një sprovë të madhe për drejtësinë në vigjilje të zgjedhjeve, që do të thotë se shkelja e ligjit nga ana e tij duhet të jetë e provuar dhe ndalimi i tij ligjërisht i motivuar!
Beteja jonë me atë kandidat nuk ka asnjë lidhje me hetimet apo përfundimet e prokurorisë, prandaj duke respektuar pavarësinë e plotë të organeve të drejtësisë, i bëj thirrje të gjithëve të mos nxitohen me konkluzione politike po të presin me durim fjalën dhe provat drejtësisë.
Discussion about this post