Në takimin që po zhvillon sot me simpatizantët e Lushnjës, Sali Berisha ka folur edhe mbi arrestimin e ish-kryebashkiakut, Fatos Tushe. Sipas Berishës, vlerën e atij tenderi ministrat dhe punonjësit e Ramës e kanë vetëm kafe mëngjesi.
Prandaj ai u shpreh me plotë bindje se mirë ja bënë Tushes që e arrestuan, por duke theksuar se kjo është vetëm pak po të marrim parasysh se abuzimet me tenderët shtohen çdo ditë, sidomos në Tiranë.
“Nuk ka tokë më pjellore se Myzeqeja. Njerëz që punojnë fort dhe jo siç thotë Edi Rama dembelë. Problemi është se djersa dhe mundi juaj, taksat tuaja, borxhi që merret vetëm vidhet nga narkoqeveritarët. Mirë ja bënë kryebashkiut me 200-300 mijë euro, por në krahasim me ato që shpenzojnë ministrat ajo është vetëm kafja e mëngjesit.
Zinxhiri i vjedhjeve të tyre nuk ka fund. Një javë më parë, rritej tenderi i unazës me 25 mijë euro, ndërkohë që tuneli i Kërrabës është ndërtuar me 15 mijë euro kilometri”, tha Berisha. Këtu Berisha iu tha të pranishmëve, se këto janë disa nga arsyet që kjo qeveri duhet të rrëzohet sa më parë.
E.H/ Gijotina.com/
Discussion about this post