Policia ka reaguar në lidhje me arrestimin e shoqëruesit të trupave amerikane në Luftën e Kosovës, Dritan Goxhajt.
Sipas bluve të kryeqytetit, Gjykata Speciale ka lëshuar urdhër-arrest për Goxhajn. Po ashtu, gjykata ka vendosur kontrollin personal të tij, si dhe të banesës ku jeton.
Dritan Goxhaj dyshohet se ka nxjerrë emrat e personave që dëshmojnë ndaj ish-komandantëve të UÇK-së. Goxhaj i është bashkuar UÇK’së si oficer i Ushtrisë Shqiptare në shkollën e aviacionit dhe ka pasur autorizimin e Shtabit të Përgjithshëm që të mbante kontakte me komandën e forcave amerikane në Shqipëri.
“Specialistët e Seksionit për Hetimin e Krimeve të Rënda ndaj Personit në Drejtorinë Vendore të Policisë Tiranë bënë ekzekutimin e vendimit të datës 20.07.2023, të Gjykatës së Shkallës së Parë të Juridiksionit të Përgjithshëm Tiranë, e cila ka vendosur lejimin e kontrollit fizik dhe të banesës së shtetasit D. G., si dhe caktimin e masës së sigurimit personal “Arrest në burg”, me qëllim ekstradimi, ndaj shtetasit D. G., 45 vjec, lindur në Fier dhe banues në Tiranë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë”, njofton policia.
Discussion about this post