Familjarët e Pandeli Kokaveshit, i cili u la në burg bashkë me Fredi Belerin, nën akuzën e blerjes së votave, deklarojnë se nuk kanë pasur asnjë kontakt me të afërmin e tyre.
Në një prononcim për Newsbomb.gr, ata shprehen se askush nuk është lejuar të kontaktojë me të, pavarësisht se Kokaveshi ndodhet në spital pasi ka shfaqur probleme me zemrën. Kokaveshi është baba i dy fëmijëve, njëri prej të cilëve me nevoja të veçanta.
“Nuk e lënë njeri ta shohë,”- thotë një i afërmi i tij.
Kandidati i ‘Bashkë Fitojmë’ për Bashkinë e Himarës është lënë ditën e sotme në ‘arrest me burg’ nga gjykata e Vlorës.
Më pas, Beleri është sjellë në Tiranë dhe dosja e tij do t’i kalojë për gjykim Prokurorisë së Posaçme Kundër Korrupsionit dhe Krimit të Organizuar, (SPAK).
Beleri u arrestua në lokalin e tij në Himarë dhe akuzohet për shitblerje votash. Ai vetë ka mohuar të jetë përfshirë në këtë veprimtari.
Arrestimi i himariotit ka sjellë një sërë reagimesh nga Shqipëria e Greqia. Opozita e konsideron arrestim me urdhër nga Rama, ndërsa Greqi ka kërkuar lirimin e menjëhershëm të tij.
Discussion about this post