Ish-kryeministri Sali Berisha ka reaguar pas arrestimit të ish-ministrit të LSI, Lefter Koka pasi akuzohet si i përfshirë në aferën e inceneratorëve.
Berisha e konsideron arrestimin e Lefter Kokës si “kokë turku”, për të shpëtuar sipas tij “krerët e vërtetë” të skandaleve korruptive. Në reagimin e tij, Berisha akuzon kryeministrin Edi Rama dhe zëvendës kryeministrin Arben Ahmetaj si të përfshirë në aferën korruptive ku mbeti i arrestuar Koka.
“Me fjalë të tjera po përdoret afera prej 3,4 milionë euro e Terr Kokës në këtë rast hajduti i dobishëm e megahajdutëve mbi atë, për të mbyllur, për t’i vënë kapak aferës së madhe të djegësve prej 430 milionë euro vjedhje shpërdorim të fondeve publike nga grupi i strukturuar kriminal të kryesuar nga Edi Rama, Don Agaçio, Arben Ahmeti Erion Velia etj. Kjo, sepse me dhjetëra e dhjetëra dokumente faktojnë se mega afera korruptive e djegësave lidhet direkt me Kreun e Meduzës, Edi Ramën, zv. e tij Arben Ahmetin, famozin Don Agaçio, Lal Plehun, Erion Veliajn”, shkruan Berisha.
Sipas Berishës, Departamenti i Mjedisit dhe Antikorrupsionit të PD denoncuan aferën e rendë të inceneratorëve që në vitin 2015, ndërsa shkeljet ligjore që raportoi dje SPAK ishin bërë që prej gjashtë vitesh nga kjo forcë politike.
Ndër të tjera, Berisha hedh akuza se Rama kishte informacion që Koka do të arrestohej nga SPAK, prandaj, pasi mori mandatin e deputetit në Durrës, e detyroi të largohej nga Kuvendi.
Discussion about this post