Jamarbër Malltezi, dhëndri i ish-Kryeministrit Sali Berisha, u ndalua në aeroportin “Nënë Tereza”, sapo ka hyrë në mjediset e Rinasit.
Nga raportimet mësohet se Malltezi priste bashkëshorten e tij të kthehej në Shqipëri nga një vend i Bashkimit Europian drejt Tiranës, ndërsa masa e sigurisë është marrë dy ditë më parë, por është ekzekutuar vetëm sot ndaj tij dhe ndërtuesit Fatmir Bektashi. Ky i fundit ka ndërtuar kompleksin e kullave në tokën e ish-Kompleksit Partizani.
Nga raportimet mësohet se SPAK ka kryer hetime të thelluara lidhur me bilancet e kompanisë me administrator Bektashin, sikundër ka kërkuar informacione nga agjensitë partnere të vendeve të BE-së, pasi ka konstatuar transferta të dyshimta parash.
Në këtë kuadër është ngritur akuza e pastrimit të parave, fshehje pasurie dhe deklarime të rreme. Nga raportimet mësohet se gjithashtu është vendosur nga GJKKO edhe sekuestro preventive ndaj pasurive të Jamarbër Malltezit dhe ndërtuesit Bektashi, edhe pse nuk dihet se çfarë pasurish janë vendosur nën sekuestro.
Në kuadrin e masave nga GJKKO është caktuar “detyrim paraqitje” për ish-Kryeministrin Berisha, si dhe mos dalja jashtë vendit e tij. Ndaj ish-Kryeministrit janë ngritur akuzat e korrupsionit pasiv dhe deklarim i rremë i pasurisë.
Discussion about this post