Kryetari i Partisë së Lirisë, Ilir Meta, deputetja Monika Kryemadhi dhe dy të pandehurit e tjerë do të dalin ditën e nesërme para Gjykatës kundër Korrupsionit dhe Krimit të Organizuar për komunikimin e masës së sigurisë.
“Prokuroria e Posaçme kundër Korrupsionit dhe Krimit të Organizuar sot, më datë 22.10.2024 ka paraqitur pranë Gjykatës kërkesën me objekt: “Marrjen në pyetje dhe verifikimin e kushteve të zbatimit të masës së sigurimit për personat nën hetim Ilir Meta, Monika Kryemadhi, Piro Xhixho dhe Ema Çoku”. Bazuar në nenin 248 pika 1 të K.Pr.Penale, seanca gjyqësore për shqyrtimin e kësaj kërkese do të zhvillohet më datë 23.10.2024 ora 09:30. Tiranë, më datë 22.10.2024 Gjykata e Posaçme e Shkallës së Parë për Korrupsionin dhe Krimin e Organizuar”, thuhet në njoftim.
Ilir Meta u arrestua ditën e djeshme në hyrje të Tiranës në një aksion që u cilësua gjegjësisht i jashtëligjshëm, teksa u nxor me forcë nga makina.
Tre janë akuzat që rëndojnë ndaj Metës, korrupsion në tre raste, pastrim parash dhe mosdeklarim të ardhurash.
Discussion about this post