Katër shqiptarë janë arrestuar nga antidroga gjermane në kuadër të një operacioni kundër një organizate që merrej me shitjen e narkotikëve.
Fillimisht zyrtarët e policisë gjermane kapën dy shpërndarës të vegjël shqiptarë dhe kontrolluan banesën e tyre në Hanover javën e kaluar.
Në atë moment janë shfaqur edhe dy shqiptarë të tjerë (25, 36 vjeç) të cilët mesa duket kanë dashur t’u sigurojnë ndihmësve të tyre kokainë. Ata u arrestuan, teksa policia ushtroi kontrolle në banesën e tyre në një lagje të Langenhagenit rajoni i Hanoverit.
Sipas prokurorisë publike, rreth katër kilogramë kokainë ishin ruajtur në pako të mbyllura në banesë. Vlera e drogës më shumë se 320,000 euro. Hetuesit konfiskuan gjithashtu 42.500 euro para që dyshohet se kanë ardhur nga aktiviteti kriminal. Të katër shqiptarët përfunduan në paraburgim.
Discussion about this post