Dy persona janë arrestuar nga Policia në Vaun e Dejës pasi akuzohen për armëmbajtje pa leje dhe posedim të lëndëve naroktike.
Sipas Policisë në pranga ka rënë shtetasi D. G., 34 vjeç pasi gjatë kontrollit fizik i është gjetur një armë zjarri dhe municion luftarak, si dhe shtetasi J. T., 29 vjeç, pasi gjatë kontrollit fizik i janë gjetur disa doza kanabisi.
“U arrestuan në flagrancë shtetasit:
-D. G., 34 vjeç, banues në fshatin Bushat, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Shërbimet e Policisë, gjatë kontrollit kontrollit fizik ndaj shtetasit D. G., në një lokal, i gjetën atij, një armë zjarri pistoletë me municion luftarak;
-J. T., 29 vjeç, banues në fshatin Paçram, për veprën penale “Prodhimi dhe shitja e narkotikëve”.
Shërbimet e Policisë kanë ndaluar automjetin me të cilin qarkullonte shtetasi J. T. dhe gjatë kontrollit fizik, i kanë gjetur atij, një sasi lënde të dyshuar narkotike kanabis”,- thuhet në njoftimin e Policisë.
Materialet procedurale i kaluan Prokurorisë, për veprime të mëtejshme.
Discussion about this post