I arrestuari është Andrea Xhemollari.
Një 21-vjeçar është arrestuar ditën e sotme në pikën kufitare të Kapshticës, pasi ka tentuar të kalojë në Greqi me një qese kanabisi me vete.
Policia bën me dije se u arrestua Andrea Xhemollari, banues në fshatin Podgorie, Maliq. Gjatë kontrollit fizik, 21-vjeçarit iu gjet një xhup një sasi me lëndë të dyshuar narkotike kanabis.
Njoftimi i policisë:
Shërbimet e Stacionit të Policisë Kufitare në Kapshticë, në bashkëpunim me specialistët për Hetimin e Trafiqeve dhe Narkotikëve në DVP Korçë, në vijim të punës për parandalimin dhe goditjen e aktivitetit kriminal të trafikimit të lëndëve narkotike, në dalje të Republikës së Shqipërisë, bënë arrestimin në flagrancë të shtetasit Andrea Xhemollari, 21 vjeç, banues në fshatin Podgorie, Maliq.
Gjatë kontrollit fizik që shërbimet e policisë, kanë ushtruar ndaj këtij shtetasi, në xhup, iu gjet e sekuestrua në cilësinë e provës materiale një sasi me lëndë të dyshuar narkotike kanabis.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.
