Një 59-vjeçar është arrestuar nga policia e Vlorës mëngjesin e sotëm, pasi ka kanosur më thikë nipin e tij. Mësohet se, autori me iniciale G.B ka ushtruar dhunë fizike dhe psikologjike ndaj nipit të tij.
Specialistët për Hetimin e Krimit në Komisariatin e Policisë Vlorë, arrestuan në flagrancë për veprën penale “Dhuna në familje” shtetasin G. B., 59 vjeç, banues në Vlorë. Ndërsa, ende nuk dihen shkaqet që e çuan 59-vjeçarin të ndërmerrte këtë akt, por informacione më të detajuara do të zbardhen më vonë pasi të merret dëshmia e autorit dhe të hetohen provat materiale të grumbulluara.
Në këtë javë që po mbyllim pothuajse çdo ditë janë raportuar raste dhune apo vrasjeje në familje, ndërsa polica njofton se vazhdon kontrollet në terren për të parandaluar ngjarje të tilla kriminale.
E,H/ gijotina.com/
