Autoritetet italiane kanë vendosur në pranga një 23-vjeccar shqiptar, i cili është parë ditën e sotme duke sulmuar me shufra hekuri 6 makina të parkuara.
Ngjarja ka ndodhur në një qytet të Italisë, në komunën Caravaggio, ku i riu kishte kryer dëmin u largua. Banorë të zonës të shqetësuar nga zhurma kanë dalë dhe më pas kanë njoftuar policinë.
Dy ekipe të policisë u vunë në ndjekje të shqiptarit, i cili pas arrestimit pavarësisht se ishte i dehur pranoi ngjarjen.
Policia njoftoi drejtuesit e mjeteve të dëmtuara të cilët bënë një kallëzim, ndërsa i riu shqiptar iu dorëzua autoriteteve të drejtësisë.
