Ish-zv. Presidenti i Vllaznisë, Isuf Isufi është arrestuar mbrëmjën e djeshme, pasi u kap me armë dhe një çantë me para.
Policia ka bëjë me dije se kishte marrë informacion se ai qarkullonte në qytet i armatosur. Ndërsa gjatë kontrollit që i kanë bërë çantës së shpinës, atij iu gjet një armë pistoletë dhe një shumë e konsiderueshme parash, euro dhe lek.
Në vitin 2019 Isufi ka qenë dhe zv. President i klubit Vllaznia, kohë kur klubi Shkodran drejtohej nga një kompani Italiane.
Ndërsa vëllai i tij Hasan Isufi, një vit më parë plagosi me armë një tjetër person për shkaqe pronësie.
Njoftimi i policisë Shkodër:
Vijojnë kontrollet e befasishme për kapjen e personave që qarkullojnë me armë zjarri me vete. Qarkullonte me armë zjarri me vete në qytet, vihet në pranga 49-vjeçari. Sekuestrohet arma zjarrit dhe një shumë e konsiderueshme lekësh.
Strukturat e Drejtorisë Vendore të Policisë Shkodër dhe të komisariateve në varësi të saj vijojnë kontrollet e befasishme në kohë dhe vende të ndryshme, me qëllim kapjen e personave me precedent kriminal, personave në kërkim dhe të atyre që qarkullojnë me armë zjarri me vete.
Si rezultat i kontrolleve të befasishme, bazuar dhe në informacionet e marra në rrugë operative se një person qarkullonte në qytet me armë zjarri me vete, shërbimet e Policisë të Forcës së Posaçme “Shqiponja” në DVP Shkodër, në vendin e quajtur “Lagje Perash”, kanë ndaluar shtetasin I. I., të cilit gjatë kontrollit i gjetën një armë zjarri pistoletë.
Në përfundim të veprimeve të para hetimore të kryera nga specialistët e Hetimit të Krimit në Komisariatin e Policisë Shkodër u bë arrestimi në flagrancë i shtetasit I. I., 49 vjeç, banues në lagjen Ajasëm, Shkodër, për veprën penale “Armëmbajtja pa leje”. Materialet iu referuan Prokurorisë së Rrethit Gjyqësor Shkodër, për veprime të mëtejshme./Gijotina.com
