Një 33-vjeçar i identifikuar si Patrick Clark është vënë në pranga këtë mbrëmje pasi akuzohet për vrasjen e reperit Takeoff, ngjarje e ndodhur më 1 nëntor.
Mediat shkruajnë se Clark është kapur nga policia e Houston. Ende nuk është zbardhur dëshmia e 33-vjeçarit që mund të tregojë detaje mbi krimin që tronditi botën e shoubizit në nisje të nëntorit.
Takeoff, 28 vjeç, u qëllua në kokë dhe në shpatull teksa ndodhej në një festë private në rezidencën e tij. Ai u shpall i vdekur në vendngjarje në orët e para të mëngjesit.
Nga të shtënat kanë mbetur të plagosur edhe dy persona të tjerë. Pamjet e publikuara tregonin se si Quavo u përpoq dëshpërimisht të shpëtonte nipin e tij, por nuk ia doli dot.
Discussion about this post