Arrestohet shqiptari në Itali, kërcënonte dhe përndiqte ish-gruan

Policia italiane ka vënë në pranga një shqiptar i cili akuzohet për kërcënime dhe keqtrajtim ndaj ish-gruas së tij.

Mediat italiane shkruajnë se ngjarja ka ndodhur në Benevento, ku një shqiptar i njohur nga policia e zonës për të njëjtat probleme, është arrestuar, ndërsa më pas është lënë në masën ‘arrest shtëpie’ me vendim gjykate.

Ndër të tjera në media thuhet se u mblodhën indikacione të rënda fajësie në lidhje me krimet e përndjekjes dhe dëmtimeve të rënda personale, të kryera ndaj ish-bashkëshortes së tij.