SHÇBA njoftoi ditën e sotme se goditi një grup të shpërndarjes së lëndëve narkotike.
Mësohet se pas kontrolleve është gjetur gjysmë kilogramë kokainë, rreth 700 gr kanabis sativa e ndarë në doza gati për shitje, armë, municione luftarake, farë kanabis sativa dhe pilula të llojit ekstazi.
Të gjitha këto janë sekuestruar. Deri më tani mësohet se janë vënë në pranga vetëm pesë persona. Rrjeti drejtohej nga një punonjës policie i Forcave Speciale.
Ata janë:
– R.L., 27 vjeç, punonjës policie pranë repartit special RENEA;
– J.L., 30 vjeç;
– G.H., 26 vjeç;
– G.S., 27 vjeç;
– E.S., 26 vjeç.
Aktualisht po vazhdojnë kontrollet e banesave të personave të implikuar.
Grupi, i cili dyshohet se drejtohej nga punonjësi i forcave speciale sipas njoftimit vepronte kryesisht në zonat; ish-Parku i Autobusëve, Kombinat, “Misto Mame”, Yzberisht dhe Qyteti i Nxënësve.
