Forcat ruse që kanë bllokuar fabrikën e çelikut Azovstal në Mariupol, do të lejojnë evakuimin e ushtarëve të plagosur ukrainas dhe transportimin e tyre deri në spitalin e Novoazovsk.
Ministria ruse e Mbrojtjes, ka njoftuar ditën e sotme se është arritur marrëveshja që ky evakuim të kryhet gjatë ditës.
Gjithashtu, lidhur me këtë situatë ushtria ruse pretendon se ka ndërprerë të gjitha luftimet për të mundësuar evakuimin humanitar të popullsisë.
Nga ana tjetër, Novoazovsk është qytet i vogël që gjendet rreth 40 kilometra në lindje të Mariupolit, që është nën kontrollin e forcave separatiste pro-ruse nga Donetsku.
Ushtarët e evakuuar fillimisht do të qëndrojnë në paraburgim në Donetsk. Kurse Azovstali është streha e fundit e ushtrisë ukrainase në Mariupol, ku po zhvillohen disa prej luftimeve më të ashpra që nga fillimi i pushtimit rus në Ukrainë.
Së fundmi, bëhet me dije se fabrika gjigante ka rrjet të madh të tuneleve nëntokësore ku ushtarët ukrainas kanë gjetur strehë.
Discussion about this post