Ditën e sotme është hapur për qarkullimin e mjeteve aksi kryesor nga Ura e Lanës deri te Pallati me Shigjeta.
Autoriteti Rrugor Shqiptar, përmes një njoftimi në Facebook, shkruan se automjetet që vijnë nga autostrada Durrës-Tiranë, pas daljes nga Galeria 5, do të devijojnë majtas duke shmangur rrethin provizor tek “O-Zone” e duke vazhduar më pas pa ndërprerje drejt “Pallatit me Shigjeta”.
“Automjetet që do të vijnë nga autostrada Durrës-Tiranë, pas daljes nga Galeria 5, do të devijojnë majtas duke përdorur karrexhatën e re të rrugës kryesore majtas Loti 2, duke shmangur kështu rrethin provizor tek “O-Zone” e duke vazhduar më pas pa ndërprerje drejt “Pallatit me Shigjeta””, shkruhet në njoftim.
Ndryshime në qarkullim nuk do të ketë për dy javë për automjetet që do të kenë destinacion Yzberishtin, Bulevardin “Migjeni” dhe “Kombinatin”.
