Është bllokuar për rreth 30 minuta aksi nacional Elbasan- Librazhd, për pasojë u desh ndërhyrja e policisë dhe forcave speciale Shqiponja për të rinisur qarkullimi.
Shkak u bë bllokimi i urës në anë të djathtë të aksit nga njësia mbrojtëse e autoritetit rrugor për arsye sigurie. Kjo urë për më shumë se 30 vitesh ka shërbyer si rrugë lidhëse për banorët e lagjes “ Emin Matraxhiu” me qytetin e Elbasanit . Banorët bllokuan rrugën pa një lajmërim në polici ,pasi sipas tyre edhe ata nuk u njoftuan nga autoritet për bllokimin.
Gjithashtu sikundër duket në pamje prishën edhe barrierën e ngritur. Ata u shprehen se nuk janë kundër rritjes se masave të sigurisë por të krijohen nënkalime, pasi për tu lidhur me Elbasanin apo dërguar fëmijët në shkollë u duhet të përshkojnë më shumë se 4 km. Rruga u zhbllokua me ndërhyrjen e policisë ,ndërsa shefi i qarkullimit e cilësoi të jashtëligjshëm protestën pasi nuk ishte lajmëruar.
Mësohet se ka qenë drejtoria e policisë se Elbasanit e cila i ka kërkuar ndërhyrje autoritetit rrugor për të bllokuar rrugën, pasi ishte burim aksidenti, ndërsa kjo e fundit i ka kërkuar Bashkisë së Elbasanit të heqë kontinieret anës rrugës, të cilët gjithashtu ishin burim aksidenti.
E.H/ gijotina.com/
