Skuadra e mesfushorit me origjinë shqiptare, Granit Xhakës do të përballet sot në orën 16:00 me ekipin e Burnley në kuadër të javës së pestë të Premier League.
Arsenal vjen pas 3 disfatave dhe vetëm një fitoreje dhe sfida e mbrëmjes së sotme është një mundësi e mirë për ‘The Gunners’ që të rikuperojnë rezultatin me një tjetër 3-pikësh.
Ekipi i drejtuar nga shqiptari renditet aktualisht në vendin e 17, rritje në pozicione e cila erdhi vetëm në javën e katër me fitoren ndaj Norëich. Tekesa sot do të përballen me vendin e 19-ë të Premier League, që ka vetëm 1 pikë.
Rikujtojmë që ndeshjen e fundit të Arsenal Xhaka nuk luajti, pasi ishte në izolim për shkak të rezultimit pozitiv me Covid-19 gjatë grumbullimit të Kombëtares së Zvicrës për kualifikueset e Botërorit ‘Qatar 2022’.
Ndërkohë për trajnerin Mikel Arteta nuk ka mundësi tjetër përveç fitores, kusht ky i vendosur nga drejtuesit e klubit të ‘The Gunners’ në mënyrë që të ruajë drejtimin e stolit të tyre./K.T/Gijotina.com
