Mikel Arteta e ka kthyer Arsenalin në një skuadër që po i bën tifozët të ëndërrojnë për titullin e parë pas më shumë se dy dekadash. “Topçinjtë” jo vetëm që kryesojnë Premier League, por e bëjnë këtë me një stil të balancuar mes forcës mbrojtëse dhe efikasitetit në sulm. Statistikat janë mbresëlënëse: vetëm një gol i pësuar nga loja e hapur deri tani, pesë “clean sheets” dhe një arsenal golash nga goditjet standarde.
Në fitoren e fundit ndaj Fulhem, goli vendimtar erdhi sërish nga një këndore, duke e çuar Arsenalin tre pikë përpara rivalëve të drejtpërdrejtë. Me lojtarë si Saka, Rajs dhe Trosard që po shkëlqejnë, skuadra duket më e pjekur se kurrë për të përballuar presionin e garës për titull. Pyetja që po shtrohet gjithnjë e më shumë është: a është ky sezoni ku Arsenalit?
Në pritje për të mësuar përgjigjen, “Topçinjtë” sfidojnë sot në ndeshjen e radhës të Ligës së Kampioneve, pikërisht Atletikon e Madridit. Arteta e vlerëson kështu ekipin e Simeones: “Ata kanë evoluar nga skuadra që ishin para një viti. Mënyra sesi mund të ndryshojnë gjithashtu në lidhje me kontekstin e ndeshjes është diçka shumë specifike për këtë ekip. Duhet t’u japësh lojtarëve gjithçka, por duhet të jesh në gjendje ta thjeshtosh informacionin për të qenë në pozicionin më të mirë, që të zbatosh atë që duam të bëjmë ndaj Atletiko”.
gijotina.com/
Discussion about this post