As Rama nuk po e kupton veten se çfarë thotë: Unë nuk i shaj burrat, por për mua janë çyrykë

Kryeministri Edi Rama është munduar të reagojë pas kritikave lidhur me deklaratën e tij në Peshkopi, ku tha se gjysma e burrave janë çyrykë.

Por duket se tashmë edhe ai vetë nuk di se çfarë të deklarojë në takimet që po zhvillon, pasi në mungesë të premtimeve për një mandat tjetër qeverisës, fjalimet e tij janë kthyer në batuta me gratë dhe vajzat ku ju kërkon që të mbledhin burrat e tyre për të mos shkuar në kampin kundërshtar të opozitës, të cilën e cilëson si kënetë.

Por ndërsa  mundohet të justifikohet për deklaratat e tij se gjysma e burrave  janë çyrykë, ai vazhdon t’i etiketojë përsëri këta të fundit si budallenj.

“Doja të ndaja me ju një shqetësim, sepse sot kam patur disa ankesa dhe mesazhe nga ca burra, shokë partie, të cilët i kanë shqetësuar pse unë lavdëroj gratë dhe sipas tyre iu bie burrave.

Edhe dikush që më shkruante; ça ke mo burrë i dheut, ti gratë lavdëroi sa të duash, por duke u rënë burrave, na ikin.

Mendoj se ata burra që na ikin se nuk e kuptojnë pse gratë duhen lëvduar më shumë, nuk na duhen.

Unë nuk shaj burrat. Absolutisht jo, kurrë. Nuk shaj burrat. Mendoj kështu. Është fakt që PS na rang vendi e mbështesin 56% e grave dhe vajzave. Ka qarqe që kjo mbështetje shkon deri në 65%. Por kjo do të thotë se kur vjen puna te burrat, diferenca është shumë më e vogël.

Them se ata burra, që njësoj si shumica dërrmuese e grave, mbështesin PS, janë jo vetëm të zotë, por edhe të hapur dhe mendje hapur dhe të mençur politikisht.

Ndërsa ata burra që rrinë edhe pllaquriten në kënetë, mund të jenë shumë të zotë në punën e tyre, por për mua janë çyrykë. Politikisht Çyrykë. Nuk i duhen askujt. Dhe nëse mërziten më vjen keq, unë nuk mërzitem. Besoj që kjo që PS ka bërë për Shqipërinë në këto vite, na bën shumë krenar”, u shpreh ai pasditen e sotme gjate një takimi në qytetin e Korçës.