Në Asamblenë e Partisë Socialiste, kryeministri Edi Rama nuk ka kursyer sulmet ndaj PD duke thënë se nuk duhet të marrin shembull nga demokratët që sipas tij po luftojnë me njëri tjetrin për pushtet.
Teksa po fliste për procesin e zgjedhjes së kryetarëve të degëve në 61 bashki, Rama tha se PS duhet ta përfaqësojë me dinjitet territorin dhe jo të përfundojë si PD.
“Na duhen drejtues që i prijnë PS pa pasur agjenda të tjera dhe janë shtabi politik i të nesërmes. Për këtë arsye procesi duhet të jetë i vërtetë dhe i përpiktë me hapat e tij. Mos të ketë monopolime të procesit. Duhet të shmangen nxjerrjet në ballë që janë rezultat i konfikteve dhe përplasjet për ekuilibrin e forcave. Janë të gjitha të natyrshme. Garancinë për të qeverisur më tutje nuk na e japin punësimet në shtet. Na e jep një PS që arrin të na përfaqësojë me dinjitet në territor. PS duhet të jetë ajo e votuesve, ta kuptojmë sot sa të jetë vonë, larg qëoftë para se të përfundojmë si kundërshtarët tanë që e kthyen partinë në një detashment të pushtetit dhe ja ku janë sot”, tha Rama.
Discussion about this post