Fjalimi i kryeministrit Edi Rama në Asamblenë e Përgjithshme të Këshillit të Europës ishte kryesisht për krimet e luftës në Kosovë. Zëdhënësi i Rumanisë në Asamble, Iulian Bulai tha se ky organ i Këshillit të Europës nuk është Prokurori, ndaj ai shtoi se duhen pritur përgjigjet nga Prokuroria e Hagës fillimisht.
Bulai tha se Rama fillimisht në fjalimin e tij u shfaq si vizionar, por i frikësohet fantazmave të së shkuarës.
“Vizita juaj është historike, pjesa e parë e fjalës suaj shfaqi një udhëheqës vizionar në çështje ndërkombëtare. Por pati një asimetri midis gjithë ambicieve të mëdha dhe shfaqjes së një politikani që i frikësohet fantazmave të së shkuarës. Kjo është për të ardhur keq. Duhet thënë që kjo asamble nuk është prokuroria. Le të presim përgjigjen e Prokurorisë në Hagë për t’iu përgjigjur.
Pse të synohet për një Minishengen si Ballkani i Hapur, kur ne mund t’ju ndihmojmë të synoni për një shembull më të madh. Cili është roli që mund të luajë Shqipëria si model në integrimin e Ballkanit Perëndimor. Nga ana tjetër, zoti kryeministër, mbështesni nismën e Ballkanit të Hapur që kundërshtohet nga Kosova dhe që e izolon atë. Dua një përgjigje e sinqertë.” – tha Bulai.
Discussion about this post