Kryeministri Edi Rama, njëherazi edhe kryetar i PS-së, nuk ka kursyer kritikat në drejtim të strukturave të partisë në Kavajë, bashki që socialistët e humbën në zgjedhjet e 14 majit, por edhe ndaj ish-ministres Olta Xhaçka.
Inatin me këtë të fundit, Rama e kishte me faktin se ajo është “zhdukur” nga rrjetet sociale, që nga momenti që u largua nga kabineti qeveritar. Xhaçka u largua nga Qeveria në 4 shtator të 2023 dhe nga kjo periudhë ajo është tërhequr pothuajse nga çdo aktivitet, çka duket se nuk është pritur mirë nga Kryeministri Rama.
Gjithashtu, Rama ka shprehur kritika ndaj degës së PS në Kavajë, ndërsa kërkoi një listë të të gjithë anëtarëve të Asamblesë të degës, të cilët nuk kanë pasur rezultate në terren.
Analiza e sotme e asamblesë së PS ka nisur me Tiranën, më pas Beratin, Shkodrën, Lezhën e Fierin.
Discussion about this post