Skuadra e Partizanit ka bërë një nisje të sezonit krejtësisht për tu harruar. Pesë pikë kanë grumbulluar të kuqtë në shtatë javë kampionat teksa janë plot 12 pikë larg kreut të renditjes. Për të përmirësuar këtë situatë dhe për të përforcuar ekipin drejtuesit e klubit kryeqytetas po mendojnë për të bërë disa blerje në merkaton e janarit.
Një emër që ka lënë gjurmë me fanellën e Partizanit, Jasir Asani ka shprehur mbështetjen për situatën e skuadrës duke shkruar në instastory: “Fanellën e Partizanit nëse nuk e ke vesh nuk mund ta kuptosh sa e rëndë është’’. Nuk është hera e parë që Asani shpreh mbështetjen e tij për ish-skuadrën ku luajti për katër sezone teksa prej kohësh qarkullojnë zërat për një rikthim në kryeqytet. Actualisht Asani aktivizohet tek skuadra e Kisvardës në kampionatin hungarez.
