Po bëhen dy muaj nga dita kur Rusia nisi bombardimet në Ukrainë dhe deri më sot nuk është arritur në një armëpushim. Veç kësaj lufta po ashpërsohet çdo ditë dhe Ukrainë ka nevojë për municione dhe rezerva ushqimore. Këtë herë krah saj është radhitur Gjermania, e cila po i vjen në ndihmë me armatime.
Mediat e huaja bëjnë me dije se, prodhuesi gjerman i pajisjeve të mbrojtjes Rheinmetall po përgatitet të furnizojë Ukrainën me 50 tanke luftarake Leopard 1, të cilat janë përdorura. BBC shkruan se tanket e para mund të dorëzohen brenda gjashtë javësh. Leopard 1, i cili hyri në shërbim për herë të parë në 1965, është paraardhësi i Leopard 2 më modern që aktualisht po vihet në terren nga forcat e armatosura të Gjermanisë. Tanket i janë kthyer kompanisë nga vendet që i patën marrë.
Discussion about this post