Policia e Shtetit ka bërë me dije se po mban nën monitorim situatën në vend gjatë ditëve të festave. Në një njoftim zyrtar theksohet se forcat e rendin kanë rritur përforcimet dhe janë në gadishmëri për sigurimin e rendit gjatë kësaj periudhe, me synim parandalimin e aksidenteve rrugore.
Raportohet se në çdo aks rrugor interurbane, urbane, por dhe në akset rurale, shërbimet e Policisë po zhvillojnë kontrolle. Gjithashtu forcat policore po përdorin dhe pajisjet inteligjente për mbajtjen e situatës nën monitorim. Sipas njoftimit makinat inteligjente, dronë, radarë, alkooltestues, kamera e mjete të paloguara, janë nën dispozicion për të evidentuar shkeljet e qarkullimit rrugor nga drejtuesit e mjeteve.
Ndëkohë gjatë dy ditëve të para të vitit si dhe gjatë natës së ndërrimit të viteve, nuk raportohet për asnjë aksident me pasoja të rënda për jetën, si dhe asnjë ngjarje e rëndë kriminale. Po ashtu nuk ka pasur persona të lënduar nga përdorimi i fishekzjarreve, të cilat janë të ndaluara të tregtohen. Raportohet se ky filim viti nuk ka shënuar konfilkte fizike me pasoja të rënda për jetën.
Discussion about this post