Presioni vazhdon të rritet mbi trajnerin e Gjermanisë, Hansi Flick, pasi ecuria pa fitore e skuadrës së tij tani është në pesë ndeshje. Japonia shkaktoi akoma më shumë mjerim mbi gjermanët me një fitore 4-1, duke përsëritur triumfin që ata arritën në Kupën e Botës 2022.
Golat e Ido (11’), Ueda (22’), Asano (90’) dhe Tanaka (92’), bënë të pavlefshëm barazimin e përkohshëm të europianëve, vepër e Leroy Sane (19’).
Ambienti rreth kombëtares së vendit organizator të Euro 2024, nuk është fare i qetë dhe këto rezultate katastrofike janë prova e qartë që diçka duhet ndryshuar.
Në takimin e radhës, përballë Francës (edhe kjo sfidë, një miqësore), thuhet se është decisive për fatin e Flick, me Nagelsman që pret një tjetër “gafë” të kolegut të tij.
Discussion about this post