Lajmi për arrestimin e ish-ministrit Lefter Koka është bërë kryefjalë e disa mediave ndërkombëtare. Prestigjiozja Associated Press i ka dedikuar një artikull arrestimit të ish-kryeministrit, ku shkruan se ai akuzohet për një ryshfet prej 4.1 milion dollarësh.
Sipas AP, Koka rrezikon të dënohet deri në 12 vite burg, ndërsa bashkë me të janë arrestuar dhe dy biznesmenë të tjerë dhe iu janë sekuestruar kompanitë.
Ndër të tjera, në artikull shkruhet se përpunimi i mbetjeve ka qenë dhe është ende një shqetësim serioz për qeveritë e Shqipërisë dhe një prioritet kryesor për përpjekjet e saj për t’u anëtarësuar në Bashkimin Evropian një ditë.
Shkrimi i Associated Press:
Një ish-ministër shqiptar i mjedisit është arrestuar për abuzim me postin dhe akuza për korrupsion, tha të martën zyra e prokurorit.
Në një deklaratë, Prokuroria e Posaçme Kundër Korrupsionit dhe Krimit të Organizuar tha se Lefter Koka u arrestua pas disa muajsh hetimi dhe akuzohet për shpërdorim të postit, korrupsion dhe pastrim parash për një kontratë koncesioni për një incenerator në qytetin qendror të Elbasanit. Ai akuzohet se ka marrë ryshfet prej 3.7 milionë euro (4.1 milionë dollarë).
Koka, 57 vjeç, ishte ministër i mjedisit i Shqipërisë nga viti 2013 deri në 2017. Koka shërbeu gjithashtu si ligjvënës dhe më parë si kryebashkiak i qytetit port perëndimor të Durrësit. Bizneset e tij janë sekuestruar përkohësisht.
Arrestohen edhe dy biznesmenë dhe u janë sekuestruar edhe kompanitë. Koka rrezikon deri në 12 vjet burg nëse shpallet fajtor.
Korrupsioni ka ndikuar fuqishëm në zhvillimin demokratik, ekonomik dhe social të Shqipërisë postkomuniste.
Opozita e qendrës së djathtë të vendit ka akuzuar qeverinë e majtë të kryeministrit Edi Rama për pastrim parash dhe korrupsion duke dhënë rreth 400 milionë euro (450 milionë dollarë) për projektet e inceneratorëve për biznesmenët e tyre.
Përpunimi i mbetjeve ka qenë dhe është ende një shqetësim serioz për qeveritë e Shqipërisë dhe një prioritet kryesor për përpjekjet e saj për t’u anëtarësuar në Bashkimin Evropian një ditë.
“Veprimet (e prokurorëve) tregojnë se askush nuk është mbi ligjin”, shkroi në Tëitter ambasadorja e SHBA-së në Tiranë, Yuri Kim. “Reforma në drejtësi po jep rezultate konkrete”.
Një reformë në drejtësi në Shqipëri, e cila u miratua në vitin 2016 me përfshirjen e Shteteve të Bashkuara dhe Bashkimit Evropian, ka krijuar institucione të reja gjyqësore për të trajtuar korrupsionin. Shumë gjyqtarë dhe prokurorë janë shkarkuar për korrupsion të dyshuar dhe fitim të paligjshëm të pronave dhe parave.
Discussion about this post