Automjetet e ardhshme elektrike të Aston Martin do të kenë teknologji të huazuar nga kompania startup amerikane e makinave elektrike Lucid.
Siç raportohet, Aston Martin ka arritur një marrëveshje për të përdorur bateritë dhe motorët elektrikë të Lucid, transmeton Telegrafi.
Në këmbim të kësaj, Lucid do të marrë 3.7 për qind të aksioneve të prodhuesit britanik të makinave sportive.
Në gusht të vitit 2022, u prezantua Lucid Air Sapphire, duke pretenduar të jetë “sedani më i fuqishëm në botë”.
Tre motorë elektrikë prodhojnë një total prej 895 kË, të cilat Lucid pretendon se janë të mjaftueshme për të përfunduar sprintin 97 kilometra në orë në më pak se dy sekonda.
Derisa nuk dihet se sa është distanca e Sapphire, variantet e tjera të Lucid Air pretendojnë një distancë deri në 837 kilometra me një karikim të vetëm.
Ndërkohë, Aston Martin po planifikon të lancojë automjetin e saj të parë elektrik në vitin 2025.
Discussion about this post