Shkencëtarët e ekipit Cardiff në Angli dhe SHBA kanë kryer një studim përmes të cilit kanë zbuluar shkakun kryesor pse vaksina Astrazeneca krijon mpiksje gjaku. Ekipi nga Cardiff në Angli dhe SHBA shpjegojnë se mpiksja e gjakut vjen për shkak se një proteinë në gjak tërhiqet nga një komponent kyç i vaksinës. Pikërisht këtu nisë gjithë procesi, që më pas çon në mpiksje gjaku. Sipas tyre proteina e cila tërhiqet në gjak nga një komponent i vaksinës, nis një reaksion zinxhir, që përfshin sistemin imunitar, që mund të kulmojë në mpiksje të rrezikshme, deri në vdekjen e pacientit.
Shkencëtarët e vetë AstraZeneca gjithashtu iu bashkuan projektit kërkimor dhe kanë bërë së bashku disa eksperimente, por ata pretendojnë se mpiksjet kishin më shumë gjasa të ndodhin për shkak të një infeksioni Covid-19 dhe jonga doza e vaksinës. Megjithëse kërkimi nuk është përfundimtar, dhe ekipi po punon për të shfrytëzuar këto gjetje si pjesë e përpjekjeve për të hequr këtë efekt anësor jashtëzakonisht të rrallë. Ata gjithashtu kanë filluar kërkime për të parë nëse kjo mund të parandalohet.
Vaksina AstraZeneca përpos efekteve anësore mendohet se ka shpëtuar rreth një milion jetë nga Covid-19, gjithsesi ekipi i Cardiff po përpiqet të gjejë një mënyrë për të ndalur mpiksjen e gjakut tek ata që vaksinohen me AstraZeneca.
Shkenctarët u bazuan fillimisht në dy të dhëna për të hetuar mbi këtë shkak dhe nga këto shqyrtime u vu re se, njerëzit me mpiksje kishin antitrupa të pazakontë që po sulmonin një proteinë në gjakun e tyre të quajtur faktori katër i trombociteve. Shkemctarët evidentuan se, AstraZeneca përdorte një adenovirus (veçanërisht një virus të zakonshëm të ftohjes nga shimpanzetë) si postierin mikroskopik.
Sipas tyre, adenovirusi mund të lidhet me mpiksjet e rralla që ndodhin te disa njerëz. Pra, ata përdorën një teknikë të quajtur mikroskopi krio-elektronike për të marrë imazhe të adenovirusit në detaje të nivelit molekular. Nga kjo teknik u zbulua se, sipërfaqja e jashtme e adenovirusit tërheq proteinën e faktorit katër të trombociteve tek ai si një magnet.
Discussion about this post