Një ngjarje e frikshme ka ndodhur në ndeshjen mes Fenerbahces dhe Gozentepse në kampionatin turk. Ndërsa ishte duke u realizuar një aksion i skuadrës mike, me një prej sulmuesve të saj që po tentonte të mbante topin brenda vijave, arbitri anësor nxitoi të sinjalizonte daljen e topit dhe në atë moment ka goditur në sy me flamur lojtarin.
Në fillim dëmtimi u duk shumë i rëndë, aq sa u mendua se u rrezikua syri i lojtarit, por më pas gjithçka kaloi pa probleme. Video e atij momenti ka bërë xhiron e rrjetit dhe duket si një nga rastet më të frikshme në fushën e blertë.
Kjo ndeshje u mbyll me barazimin 1-1, gjë e cila ishte shumë negative për vendasit që humbën mundësinë për të ulur diferencën me kryesuesit e tabelës së Superligës turke, Trabzonsporin./K.T/Gijotina.com
Discussion about this post