Ish-deputeti i PD-së, Astrit Patozi deklaroi sot se Shqipëria është më keq se Kosova dhe sa herë shikon Kosovën, atij i vjen keq për Shqipërinë dhe këtë e lidh për pjesën e politikës. Teksa ka marrë në shqyrtim zgjedhjet e së dielës për pushtetin lokal në Kosovë, Patozi shkruan se situata në Prishtinë ka ndryshuar rrënjësisht, ndërsa në Tiranë këneta ngjan të jetë e patrazuar. Për të qytetarët e Kosovës po reagojnë me votë ndaj qeverisë ”Kurti”, kur në Shqipëri një gjë e tillë nuk ndodh. Ai nuk ka ngurruar të sulmojë edhe Sali Berishën përmes këtij postimi, duke thënë se për 31 vite mban peng demokracinë e këtij vendi.
“Tashmë po kthehet në një ligjësi, që Kosova reagon me shpejtësi të admirueshme ndaj zhvillimeve politike, ndërkohë që në Shqipëri duket sikur koha ka ngecur në vend. Vetëm pak muaj pas zgjedhjeve të përgjithshme situata në Prishtinë duket se ka ndryshuar rrënjësisht, ndërsa në Tiranë këneta ngjan të jetë e patrazuar, edhe pse “foltoret” e ish-kryeministrit të rrëzuar nga pushteti 8 vjet më parë vazhdojnë të jenë i vetmi lajm i rëndësishëm politik. Kosova ka ndërruar brezin e tretë të politikanëve në pak vite dhe po përgatitet, ndoshta pa shumë dhimbje, për të katërtin, ndërsa tek ne pas 31 vjetësh debati i vetëm që shtrohet për zgjidhje është, në do ta kemi prapë udhëheqës të madh Sali Berishën apo jo”, shkruan ai.
Sipas Patozit, akoma në e dhimbshme është kur sheh se të njëjtën gjë si Berisha po bën edhe Rama. Sipas tij demokracia dhe sovraniteti i vendit kanë mbaruar në momentin që një drejtues ngulet në karrige më shumë se 8 vjet dhe nuk ka ndryshime. Pikërisht, sipas tij, kjo është arsyeja që shqiptarët vuajnë sot sepse mbajnë në krye drejtues që për vite i kanë zhytur në baltë.
“Shqipëria po e vuan si askush tjetër në rajon e më gjerë marrëveshjen e ligë të ndryshimeve kushtetuese të vitit 2008, mes Sali Berishës dhe Edi Ramës, e cila që prej 8 vjetësh po rëndon më shumë në kurriz të popullit opozitar. Kjo është kryetarokracia, e cila ka promovuar bipiolaritetin poilitik, që i ndan qytetarët si me thikë në dy vatha bardhezi
Kurse unë e kam bindje se për shkak të politikanëve të paskrupuj, Shqipëria ka abuzuar fort edhe me sovranitetin e saj të plotë, mundësi që nuk e ka pasur dot Kosova, për arsye historike. Dhe paradakosi është se ne sot po vuajmë në kurriz faktin që kemi marrë vendime të këqija kundër vetes sonë, për të cilat të huajt nuk na ndalonin dot, ndërkohë që Kosova e ka pasur të pamundur t’i merrte, për shkak të sovranitetit të kufizuar të saj. Dhe për këtë arsye ajo ka shpëtuar dhe nuk po i vuan si ne sëmundjet e deformimit të demokracisë”, shprehet ai. Që kur është larguar nga PD-ja, Patoi nuk i ka fshehur kritikat e tij.
Gjithmonë ai ka qenë i mendimit që Berisha e drejton në të vërtetë timonin e PD, prandaj dhe partia po degradon. Shpesh herë Patozi është shprehur se Rama po vazhdon të rrënojë vendin dhe Shqipëria vetëm është degraduar në 31 vite demokraci.
